Written by Administrator | 26 November 2008

 

Esta é a primeira parroquia que se atopa o viaxeiro que se achega ó Corpiño. Hai décadas destacaba polo seu censo de familias pequeno-burguesas e fidalgas, que fixeron fortuna no mercado da carne, os lenzos e a madeira, e competían coa amplitude das súas casonas nas que aínda destacan as súas altivas chemineas. Liñaxes máis antigas como os Taboada e os Churruchaos, tamén deixaron aquí brasóns e sepulturas. Noceda aparece vinculada á historia e á lenda dos famosos monxes templarios. Especial interese ofrece a capela funeraria coas armas dos Taboada, Deza, Churruchaos e López de Lemos, que presídea a estatua orante do fundador da casa de Paradiñas, edificio que destaca na arquitectura civil da parroquia xunto coa chamada “do Ferreiro”. Na ourela do regato de Lamela hai unha pequena capela baixo a advocación da Virxe do Remedios.

 

 

Festividade:	Santa María
Poboación:	305 habitantes
Extensión:	5,2 quilómetros cadrados
Densidade de pob.:	58,65
Altitude máx.:	410 metros
Código postal:	36512
Distancia a Lalín:	10 quilómetros
Lugares:	Golmar, Igrexa, Lamas, Noceda, Noceda de Abaixo, Sonxil, Toxiña e Vilar de Xestal .

 

- . -